Archivio articoli e news
Categoria: Noas, Questioni di Lingua Sarda, Lavoro&Diritti
Autore: Francu De Fabiis
In sa bidha de is Moratti
Bandat de sei ca su graiori, de sa morti - ndr - de is tres trabballadoris sardus in su mercau de is noas est cudhu chi est. Fessint stètius disterraus extracumunidàrius, sa noa fiat stètia prus spedhiosa, prus guvernàbbili, ndi podiat fintzas bessiri unu cumbidu in d-unu «talk show» in primu meria. Ma is sardus...
Cracai innoi po brintai e abbisitai custa "hit parade".
www.unionesarda.it/ambiente_la_saras_finisce_nella_top_100_degli_inquinatori
Innoi si spricat mellus sa "perfomance"
Pàgini 136.
“Bandat de sei ca su graiori, de sa morti ndr, de is tres trabballadoris sardus in su mercau de is noas est cudhu chi est. Fessint stètius disterraus extracumunidàrius, sa noa fiat stètia prus spedhiosa, prus guvernàbbili, ndi podiat fintzas bessiri unu cumbidu in d-unu «talk show» in primu meria. Ma is sardus....…
Sa Cgil, chi costumàt a ndi bogai cumunicaus de prenta fintzas po si fàiri sciri de s’atòbiu de su «leader» cosa sua a su progamu de tellebisioni “Ballarò” no smusciat.
Est totu sa Cgil natzionalli chi no smùsciat: no unu cumunicau, unu tellegramu, unu mesu fuedhu po is tres mortus de Sarrocu. In custu citiri si ligit totu sa debbilesa de su sindicau itallianu”.
Pàgini 158.
In su celu de Sarrocu:
“Sa Saras at scapiau 6 millionis de tonelladas de anidridi crabonaxa,
1330 tonelladas de òssidu de crabonaxu,
4150 tonelladas de òssidu de asotu,
7390 tonelladas de anidridi tzrufurosa,
1740 chillus de nikelu,
25 chillus de arsènigu,
372 chillus de gromu,
17 tonelladas de binzeni,
16 chillus de càdimu,
223 tonelladas de PM10,
est a narri su partìgulau fini. Si fuedhat de bruvuras cun arrullonis de mannàrias asuta de 10 micron, s’unu centesimu de millimetru, e po custu arrespiràbbilis. Si suspint chentza de si nd’acatai, e is arrullonedhus prus piticus bandant a s’arrimai deretus in is prumonis”.
Tantis pigaus de: “European Polluant and Transfer Register”, annu 2007.
Pàgini 193.
“De custu est afartada sa crassi dirigenti in su mericedhu de su 26 de Màju, sa dia de is tres mortus in s’arrafineria, che totu is àtaras dias: de frimai is arrancus de su tempus passau. Unu de is pistighinzus prus mannus de su capitalismu coluniali: godangiai tempus e acuai su passau intamis de progetai su benidori”.
Pàgini 201.
Tres dias ainnantis primu de s’acuntèssiu, in su mericedhu de Sàbudu 23 de Màju, unu trabballadori meda spertu de sa Saras est brintau in su giassu de “Scida Sarrocu” po pistai is lìteras, cun s’arràbiu craru e cun is fitianas allobas in prus, ca funt s’arretronu de is sentidus de is sardus, sa chèscia de issu etotu.
Pàgini 203.
“Apustis de èssiri brintada in sa Bussa[in su 2006] eus bistu s’atrivimentu smasciai po sa siguresa a is tantis su de godàngiu”.
Fuedhus de unu trabballadori de sa Saras e dellegau de su sindicau.
Pàgini 210.
“Po dònnia francu de stipèndiu lìmpiu lassau in Sardìnnia, is Moratti ndi pinnigant tres de godàngiu a Milanu. E is salarxus ca pigant is trabballadoris po mori de is Moratti funt sa de tres partis de su tanti de stipèndius ca s’Inter pagat a is giogadoris cosa sua”.
Pàgini 235.
Gràtzias a is sorris de mei Arroberta e Anna e a is fradis de mei Gabrieli e Càralu: is pàginis innui si cumprendit ca sa Sardìnnia est domu nosta dhas eus scritas imparis. E gràtzias, po acabbai e pruschetotu, a babbu nàsciu cuntinentalli e diventau sardu.
Arrogus liaus de su lìbburu:
IN SA BIDHA DE IS MORATTI
SARROCU-ITÀLLIA
UN’ISTÒRIA DE NORMALIDADI DE SU CAPITALISMU COLUNIALI
de Giòrgiu Meletti
Editzionis Craraslìteras
Cabudanni 2010, Milanu.